ڪراچي (ويب ڊيسڪ) سنڌ اسيمبلي ۾ مخالف ڌر اڳواڻ علي خورشيدي جو چوڻ آهي ته سنڌ ۾ وزيرن ۽ پوليس جي ملي ڀڳت سان ڌاڙيل راڄ قائم آهي، سنڌ ڪابينا ۾ موجود ماڻهن جا ڌاڙيلن جي وڏن گروهن سان رابطا آهن.
هڪ بيان ۾ علي خورشيدي چيو ته صوبائي وزير ڌاڙيلن ۽ قاتلن کي پوليس پروٽوڪول ڏيارين ٿا، هٿيارن ۽ مغوين جي منتقلي لاءِ به پوليس وين ڌاڙيلن کي فراهم ڪئي ويندي آهي.
علي خورشيدي چيو ته جيڪب آباد ۾ پوليس وين ۾ ڌاڙيلن جا هٿيار منتقل ٿي رهيا هئا، ڌاڙيلن جا هٿيار صوبائي صلاحڪار بابل ڀيو جي پٽ سان گڏ پڪڙيا ويا.
