ڪراچي(ويب ڊيسڪ) موسيقي سان چاهه رکندڙن جو ڊگهو انتظار نيٺ ختم ٿيو ۽ ڪوڪ اسٽوڊيو هڪ سال جي ساهيءَ کانپوءِ 14 اپريل تي پندرهون سيزن يرليز ڪرڻ جو اعلان ڪيو آهي.
رپورٽس موجب ”ڪوڪ اسٽوڊيو“ پاڪستان ۾ 2008 ۾ شروع ٿيو ۽ جون 2008 ۾ ان جو پهريون سيزن ريليز ٿيو هو، گذريل 16 سالن ۾ ان جا پندرنهن سيزن ريليز ٿي چڪا آهن ۽ هر سال اٽڪل هڪ درجن يا ان کان وڌيڪ گانا ريليز ڪيا ويندا آهن.
هن ڀيري ڪوڪ اسٽوڊيو جي پندرهين سيزن ۾ يارنهن گانا ريليز ڪرڻ جو امڪان آهي ۽ هر سال جيان هن سال به پاڪستان جي مختلف مقامي ٻولين جي گانن کي ريليز ڪيو ويندو. ڪوڪ اسٽوڊيوجي هر سيزن ۾ پنجابي ٻوليءَ کانسواءِ پشتو، سنڌي ۽ بلوچي ٻوليءَ سميت سرائيڪي ٻولي جا گانا ريليز ٿي چڪا آهن جڏهن ته انگريزي، ترڪ ۽ فارسي ٻوليءَ جي گانن کي به اردو سان گڏ ريليز ڪيو ويو آهي.
View this post on Instagram
ڪوڪ اسٽوڊيو 15 کي ذالفقار جبار خان عرف ذلفي سميت ٻيا پروڊيوسرز پروڊيوس ڪندا ۽ ٻه درجن گلوڪار ان ۾ ڳائيندي نظر ايندا. ڪوڪ اسٽوڊيو پندرنهن جي شروعات 14 اپريل کان ٿيندي ۽ امڪاني طور تي مئي جي آخر ۾ يا جون جي شروعات ۾ آخري گانو ريليز ڪيو ويندو.
ان کان اڳ ڪوڪ اسٽوڊيو سيزن 14 جي شروعات جنوري 2022 ۾ ٿي ۽ آخري گانو مارچ جي آخر تائين جاري رهيو ۽ مجموئي طور تي 13 گانا ريليز ڪيا ويا هئا. ڪوڪ اسٽوڊيو 14 جي مشهور گانن ۾ ڪنا ياري، تو جهوم ۽ پسوڙي شامل آهن.
