ڪراچي (پ ر) پاڪستان جي سڀ کان وڏي فوڊ ڪمپنين مان هڪ شان فوڊز شان شيئرز جي نالي سان پنهنجي نئين ڪارپوريٽ سڃاڻپ متعارف ڪرائي آهي. شان فوڊز دننيا ۾۾ 70 کان وڌيڪ ملڪن ۾ ڏکڻ ايشيائي کاڌن تي عبور رکندڙ برينڊ آهي ۽ 1981 ۾ سنگل روم آپريشن سان پنهنجي شروعات کانپوءِ ٽيسٽ هيپي نيس ٽيگ لائن لاءِ مشهور آهي.
ڪمپني شروعاتي ڏينهن کان ئي پنهنجي ڪارپوريٽ سماجي ذميواري کي وڌائڻ جي ڪوششن ۾ فعال ڪردار ادا ڪيو آهي. مختلف کاڌن ۾ مستقل طور تي اثرائتن فلاحي ڪمن ذريعي شان فوڊز پنهنجو پاڻ کي عوام سان هم آهنگ برانڊ جي طور تي پيش ڪيو جيڪو پٺ تي پيل ماڻهن جي ترقي ۽ کين بااختيار بڻائڻ لاءِ وقف آهي.
نئين ڪارپوريٽ سڃاڻپ بابت ڳالهائيندي شان فوڊز جي شريڪ چيئرپرسن سمر سلطان چيو ته سي ايس آر هميشه اسان جي ڪٽنب ۽ ڪمپني جي پهرين ترجيح رهي آهي. اسان پنهنجي هاري کان واهپيدار جي سلسلي ۾ گهڻا اهڙا شعبا ڏٺا آهن جتي اسان پنهنجي وسيلن ۽ پنهنجي اثر رسوخ ذريعي هڪ هاڪاري اثر پيدا ڪري سگهون ٿا. ان لاءِ شان شيئرز کي ڪمپني جي تاريخ ۾ هڪ ٻي نمايان ڪاميابي جي علامت قرار ڏئي سگهجي ٿو.
شان شيئرز جو مقصد پنهنجي سي ايس آر جي ڪاميابي ۽ گڏيل قومن جي جٽادار ترقي جي هدفن سان پنهنجي وفاداري کي ظاهر ڪرڻ آهي. ان کانسواءِ شان شيئرز صحت جي سار سنڀال، تعليم، ماحوليات تحفظ ۾ ملڪ ۾ ضرورتمندن جي خدمت ۾ ڪمپني جي ڪوششن جي علامت آهي.
شان فوڊز جي اها سڃاڻپ ڪمپني جي اندرون ۾ اخلاقي طور تي ذميواراڻن طريقن جي حوصلا افزائي ڪري ٿي، ان جو مقصد ملڪ ۾ پنهنجي موجودگي ۽ وسيلن کي استعمال ڪندي معنيٰ واري ڀائيواري ۽ ميمبرشپ کي هٿي ڏيڻ آهي ته جيئن جٽادار مينوفيڪچرنگ، عورتن کي بااختيار بڻائڻ، ماحولياتي تحفظ، تعليمي وڪالت، صحت جي سار سنڀال ۽ ٻين سماجي ڪوششن جي حوصلا افزائي ڪري سگهجي.
