ماسڪو (ويب ڊيسڪ) يوڪرين موڪليل روسي فوجين جي گهرواري احتجاج ڪيو آهي.
پرڏيهي ميڊيا موجب يوڪرين ۾ روسي جنگ کي ٻه سال مڪمل ٿيڻ تي تخت گاهه ماسڪو ۾ فوجين جي گهروارين احتجاج ڪيو.
هنن مطالبو ڪيو ته سندن مڙسن کي يوڪرين جي جنگ تان واپس گهرايو وڃي.
پرڏيهي ميڊيا موجب روس ۾ ٿيندڙ ان احتجاج دوران ٻن صحافين سميت ڪيترن ئي ماڻهن کي حراست ۾ ورتو ويو.
هلندڙ مهيني جي شروعات ۾ پوليس اهڙي ئي احتجاج جي ڪوريج تي تقريبن 20 رپورٽرن کي گرفتار ڪيو هو.
