يورپي يونين روس جي خلاف نئين پابندين جي منظوري ڏئي ڇڏي، يوڪرين جي خلاف جنگ شروع ڪرڻ کان پوءِ 13 هون ڀيرو روس جي خلاف پابنديون لڳايون پيون وڃن.
عرب ميڊيا جي رپورٽ موجب يورپي يونين ميمبرن روس جي خلاف پابندين جو 13 هون پيڪيج منظور ڪري ورتو آهي جنهن تحت 2 سالن کان جاري روس يوڪرين جنگ ۾ ملوث وڌيڪ 200 ادارن ۽ ماڻهن تي پابنديون لڳايون ويون آهن. انهن ماڻهن ۽ ادارن جو واسطو دفاعي ۽ فوج شعبن ۽ جنگي پروپيگئنڊا سان آهي.
