نوشهرو فيروز (ويب ڊيسڪ) قومي عوامي تحريڪ جي سربراهه اياز لطيف پليجي چيو آهي ته بلاول ڀٽو ٺٽي جي جلسي ۾ پير پاڳاري خلاف اڻ وڻندڙ ٻولي استعمال ڪئي.
نوشهري فيروز ۾ جي ڊي اي جي جلسي کي خطاب ڪندي اياز لطيف پليجي چيو ته 2024 جون چونڊون پ پ کي کپايون ويون آهن، پيغام ڏنو پيو وڃي ته پ پ ۾ شامل ٿيو يا وفاق جي سياست کان لاتعلق ٿي وڃو، اسان چئون ٿا ته پاڪستان جي مستقبل ۽ وفاق سان کيڏڻ بند ڪيو.
هن چيو ته پ پ جي دور ۾ سنڌ ۾ رڳو لاش مليا آهن، سنڌ جي عوام سان دوکو ڪيو ويو ته ماڻهو وفاق کان مايوس ۽ لاتعلق ٿي ويندا.
