”ايم ڪيو ايم جي ڪنهن ڪارڪن هاڻ بندوق کنئي ته ان کي پارٽي مان ڪڍيو ويندو“

ڪراچي (ويب ڊيسڪ) ايم ڪيو ايم پاڪستان جي ڪنوينر خالد مقبول صديقي چيو آهي ته ايم ڪيو ايم جي ڪنهن ڪارڪن کي پنهنجي هٿ ۾ ڏنڊو، پٿر ۽ بندوق رکڻ جي ضرورت ناهي.
ڪراچي ۾ شڪراني جو ڏينهن ملهائڻ دوران جلسي کي خطاب ڪندي خالد مقبول صديقي چيو ته ايم ڪيو ايم کانسواءِ ٻيو ڪو حل ناهي، 2018 ۾ جن کي 14 سيٽون کسي ڏنيون ويون هيون، اهي پاڻي جو هڪ ڦڙو نه ڏئي سگهيا.
هن چيو ته اسان جو جيڪو چونڊيل نمائندو پنهنجي تڪ ۾ نه ويندو اهو گهر ويندو، اڄ سمورا چونڊيل نمائندا شهيدن جي قبرستان ويندا، هاڻ ايم ڪيو ايم جي ڪنهن ڪارڪن کي پنهنجي هٿ ۾ ڏنڊو، پٿر ۽ بندوق رکڻ جي ضرورت ناهي، جنهن ائين ڪيو، ان جي رڪنيت ختم ڪئي ويندي.

You might also like
Leave A Reply

Your email address will not be published.