ڪراچي (ويب ڊيسڪ) ايم ڪيو ايم لنڊن قومي اسيمبلي جي 27 ۽ صوبائي اسيمبلي جي 53 سيٽن تي آزاد اميدوارن جو اعلان ڪيو.
ايم ڪيو ايم باني ۽ رابطا ڪاميٽي جي هدايت کانپوءِ سنڌ جي ٻين علائقن ۾ به آزاد اميدوارن کي ايم ڪيو ايم لنڊن جي حمايت حاصل هوندي. انهن اميدوارن کي مختلف نشان ڏنا ويا آهن.
ايم ڪيو ايم لنڊن سڄي ملڪ ۾ پنهنجي قومي ۽ صوبائي اسيمبلي جي آزاد اميدوارن جي نالن جو اعلان سومر تي ڪيو هو.
انهن اميدوارن ۾ شازيا، محسن نثار پنهور، آفتاب بقائي، محمد فاروق ۽ ٻيا شامل آهن.
ٻئي پاسي فاروق ستار جو چوڻ آهي ته ايم ڪيو ايم لنڊن جي اميدوارن سان ڪو فرق نه پوندو.