اسلام آباد (ويب ڊيسڪ) ڊرگ ريگيوليٽري اٿارٽي پاڪستان (ڊريپ) صحت لاءِ نقصانڪار کنگهه جا سيرپ ميڊيڪل اسٽورن تان واپس گهرائي ورتا.
ڊريپ اختيارين موجب کنگهه جي سيرپ ۾ ٿائلينڊ کان درآمد ٿيل ڪچو مال پروپلين گلائيڪول استعمال ٿيو، درآمد ٿيل پروپلين گلائيڪول ۾ صحت لاءِ نقصانڪار جُزن جو مقدار 25 سيڪڙو نڪتو آهي.
ڊريپ اختيارين ٻڌايو ته کنگهه جي سيرپ جو درآمدي ڪچو مال سڄي ملڪ ۾ سپلاءِ ٿيو، سڄي ملڪ مان کنگهه جي سيرپ جو درآمدي ڪچو مال واپس گهرائي رهيا آهيون.
ڊريپ موجب بدنيتي ثابت ٿي ته ملوث ماڻهن خلاف ڪرمنل ڪيس فائل ڪنداسين.
