رياض (ويب ڊيسڪ) سعودي عرب جو جنگي جهاز تربيتي اڏام دوران ڪِري تباهه ٿي ويو، جنهن ۾ سوار ٻه پائلٽ به اجل جو شڪار ٿي ويا.
سعودي عرب جي سرڪاري خابرو اداري موجب بچاءَ واري وزير جي ترجمان بريگيڊيئر جنرل ترڪي المالڪي هڪ بيان ۾ جهاز حادثي جي تصديق ڪئي آهي.
بريگيڊيئر جنرل ترڪي المالڪي موجب خميس 7 ڊسمبر تي منجهند اوڀر علائقي جي شاهه عبدالعزيز ظهران ايئربيس کان معمول جي تربيتي اڏام دوران ايف 15 ايس اي جهاز کي حادثو پيش آيو.
ترجمان موجب حادثي سبب جهاز ۾ سوار ٻه پائلٽ اجل جو شڪار ٿي ويا.
سعودي جي بچاءَ واري وزارت موجب حادثي جا سبب ڄاڻڻ لاءِ جاچ ٽيم جوڙي وئي آهي.
