ڪراچي (ويب ڊيسڪ) سنڌ جي نگران وڏي وزير جسٽس (ر) مقبول باقر واٽر اينڊ سيوريج بورڊ کي تنبيهه ڪري ڇڏي.
جسٽس (ر) مقبول باقر چيو آهي ته واٽر ڪارپوريشن ۽ ٻين ميونسپل ادارن کي تنبيهه ٿو ڪيان ته اڳتي ڪنهن به ٻالي کي مين هول جي اندر نه موڪليو.
هن چيو ته واٽر اينڊ سيوريج ڪارپوريشن ۽ ٻيا لاڳاپيل ادارا اهڙي مشينري آڻين، جيڪا بلاڪ مين هول کي کولي.
سندس چوڻ هو ته مين هول ۾ ٻالي کي موڪلڻ غير اخلاقي ۽ انساني دشمن رويو آهي، هر انسان احترام، عزت ۽ محبت جي لائق آهي.
نگران وڏي وزير چيو ته سمورا ميونسپل ادارا اهو غير انساني ڪم بند ڪن، ڪنهن غريب جي زندگي سان کيڏڻ بند ڪن.
