سماج ۾ بهتر زندگي گذارڻ لاءِ سٺن لاڳاپن جي وڏي اهيمت هوندي آهي، رشتيداريون هجن توڙي ڪاروبار ۽ ٻيو ڪاروهنوار گڏيل محنت، ڀائيچاري ۽ جدوجهد کانسواءِ ممڪن ناهي، ايتري تائين جو دنيا ۾ ڪميونيڪيشن، بهيويئر ۽ انساني مزاج سميت مختلف موضوعن تي وسيع بنيادن تي تعليم ڏني وڃي ٿي.
اهڙي ئي حوالي سان زندگي ۾ ڪا به نئين شروعات ڪاروبار، شادي يا ٻيا ڪم ڪرڻ کان اڳ هر ماڻهوءَ کي ڀروسي ۽ اعتماد جي گهڻي ضرورت هوندي آهي، ڀروسو يا اعتماد نه هجي ته ڪيترائي رشتا ۽ لاڳاپا شروع ٿيڻ جي ٿوري وقت کانپوءِ ئي ختم ٿي ويندا آهن جنهن جو نقصان هر ماڻهو ڀوڳيندو آهي.