اڳين وقت کان هاڻوڪي دور ۾ مختلف خطرناڪ بيماريون وڌي ويون آهن، ان جا غير معياري کاڌ خوراڪ، فصلن ۾ زهريلي دوائن جو استعمال ۽ طرز زندگي سميت مختلف سبب ته آهن پر ڪجهه ڏوهه ماڻهوءَ جو پنهنجو به آهي، اڄڪلهه جا ماڻهو آڳاٽي دور جي ماڻهن جون کوڙ عادتون ۽ انهن جا کاڌا استعمال ڪرڻ ڇڏي چڪا آهن جنهن جي ڪري انهن کي صحت جي مختلف مسئلن سان منهن ڏسڻو پوي ٿو. اهڙي ئي حوالي سان ڪجهه وقت اڳ ٻاجهري جي ماني به وڏي شوق سان استعمال ڪئي ويندي هئي جنهن جا صحت لاءِ انيڪ فائدا هئا، جنهن جو استعمال اڄڪلهه نه هئڻ برابر وڃي بچو آهي، اڄ اسان اوهان کي ٻاجهري جي ماني جي فائدن بابت ٻڌائينداسين جنهن کانپوءِ اوهان به انکي پنهنجي خوراڪ جو حصو بڻائيندا.
