ڪراچي (ويب ڊيسڪ) هلندڙ سال جو آخري چنڊ گرهڻ 28 آڪٽوبر تي ٿيندو جيڪو پاڪستان سميت مختلف ملڪن ۾ ڏٺو ويندو.
چنڊ گرهڻ هلندڙ سال جو ٻيو ۽ آخري چنڊ گرهڻ هوندو جيڪو پاڪستان ۾ پڻ ڏٺو ويندو.
اهو هڪ جزوي چنڊ گرهڻ هوندو جنهن جو مشاهدو ڪرڻ ممڪن هوندو.
چنڊ گرهڻ 28 آڪٽوبر تي پاڪستاني وقت موجب 11 لڳي 15 منٽن تي شروع ٿيندو ۽ 29 آڪٽوبر تي 3 لڳي 36 منٽن تي ختم ٿيندو.
ان کان اڳ سال 2023 جو پهريون چنڊ گرهڻ 5 ۽ 6 مئي تي ٿيو هو، جيڪو پاڪستان ۾ به ڏٺو ويو هو.
گرھڻ 5 مئي تي رات 10:23 تي شروع ٿيو ۽ 6 مئي تي رات 12:32 تي ختم ٿيو.
ياد رهي ته جڏهن چنڊ ڌرتيءَ جي پاڇي جي اونداهي حصي مان گذرندو آهي ۽ زمين، سج ۽ چنڊ جي وچ ۾ اچي ويندو آهي ته چنڊ گرهڻ لڳندو آهي.
