صنعا (ويب ڊيسڪ) حوثين خبردار ڪيو آهي ته جيڪڏهن آمريڪا غزا ۾ سڌي ريت مداخلت ڪئي ته فوجي جواب ڏنو ويندو.
پرڏيهي ميڊيا موجب يمن جي حوثي اڳواڻ عبدالمالڪ الحوثي چيو آهي ته جيڪڏهن آمريڪا غزا ۾ سڌي ريت مداخلت ڪئي ته ڊرون ۽ ميزائل حملن سميت فوجي آپريشن ذريعي جواب ڏينداسين.
الحوثي چيو جڏهن ڳالهه غزا جي اچي ٿي ته اها ريڊ لائن آهي، اسان غزا ۾ ٻين گروپن سان سهڪار لاءِ تيار آهيون.
واضح رهي ته غزا تي اسرائيلي حملن کانپوءِ لبنان جي حزب الله به حماس جو ساٿ ڏيڻ جو اعلان ڪيو هو.
