اسلام آباد (ويب ڊيسڪ) سيڪيورٽي ايڪسچينج ڪميشن (ايس اي سي پي) عوام کي هڪ ڀيرو ٻيهر سيڙپڪاري جي جعلي اسڪيمن کان خبردار ڪيو آهي.
سيڪيورٽي ايڪسچينج ڪميشن موجب آن لائن ۽ ٻين ذريعن سان مارڪيٽنگ ڪئي ويندڙ سيڙپڪاري ۽ منافعي جي غير قانوني اسڪيمن جي دوکي کان بچو.
اسيڪيورٽي ايڪسچينج ڪميشن جو چوڻ آهي ته وڌيڪ ۽ غير حقيقي منافعي جي لالچ ۾ پنهنجي قيمتي سرمائي تان هٿ ڌوئي سگهو ٿا.
ايس اي سي پي طرفان ڪمپني ”ميليورٽيڪ“ جي نشاندهي به ڪئي وئي آهي، جنهن ۾ ٻڌايو ويو آهي ته ڪمپني عوام کي آن لائن اشتهارن کي ڏسڻ جي مختلف پيڪيجن جي نالي تي آمدني ۽ منافعي جي لالچ ڏئي لُٽي رهي آهي.
