سعودي جي حج ۽ عمري واري وزارت مسجد نبوي صه ۾ رياض الجنه ۾ نماز جي پرمٽ حاصل ڪرڻ جو طريقو جاري ڪري ڇڏيو.
رپورٽ موجب وزارت پنهنجي ايڪس (ٽوئيٽر) اڪائونٽ تي چيو آهي ته رياض الجنه ۾ نفل ادا ڪرڻ جي پرمٽ حاصل ڪرڻ لاءِ ”نسڪ“ ايپ ڊائونلوڊ ڪرڻي پوندي ۽ ان ۾ اڪائونٽ ٺاهي ان جي ذريعي ڪارروائي ڪرڻي پوندي.
وزارت ڌيان ڏياريو آهي ته نسڪ ايپ ۾ پنهنجي اڪائونٽ تي لاگ ان ڪرڻ کان پوءِ هيٺ بيان ڪيل قدم کنيا وڃن.
رياض الجنه ۾ نماز جي خاني جي چونڊ ڪريو.
ماڻهن، تاريخ ۽ وقت جو تعين
هدايتن جو مطالبو ۽ انهن جي منظوري ڏيو
ان کان پوءِ اوهان موڪلڻ جي آءِ ڪون کي ڪلڪ ڪريو جنهن کان پوءِ پرمٽ اوهان کي ايس ايم ايس جي صورت ۾ به ملندي ۽ نسڪ ايپ تي موجود هوندي.
