ايشيا ڪپ ۾ سريلنڪا هٿان شڪست کانپوءِ پاڪستان جو ٽورنامينٽ ۾ سفر تمام ٿي ويو پر پاڪستاني پرستارن جي ذهنن مان پاڪ-سريلنڪا ميچ جون جهلڪيون نڪري ناهن سگهيون.
ٻن ڏينهن کان سماجي رابطن جي ويب سائيٽ ايڪس تي جتي ان ميچ جو ذڪر هلي رهيو آهي اتي ون ڊي ۾ ڊيبيو ڪندڙ نوجوان زمان خان ايڪس تي ٽرينڊ ڪري رهيو آهي.
ايڪس واهپيدار لڳاتار زمان کي آٿت ڏئي رهيا آهن ۽ سريلنڪا خلاف آخري اوور ۾ شاندار بالنگ ڪرڻ تي ساراهي رهيا آهن.
ان سلسلي ۾ ڀارتي ڪامينيٽر هرشا ڀوگلي جي ٽوئيٽ واهپيدارن کي ڪاوڙائي ڇڏيو آهي.
ٿيو ڪجهه ائين ته جڏهن زمان خان ميچ جو آخري بال هلايو ته نان اسٽرائيڪر اينڊ تي موجود سريلنڪن بيٽر مٿيشا پٿيرانا زمان جي بال هلائڻ کان اڳ ئي ڪريز مان ٻاهر نڪري چڪو هو.
جيڪڏهن زمان خان کيس مينڪڊ ( رن آئوٽ ) ڪري وجهي ها ته سريلنڪا ميچ هارائي وڃي ها ڇو ته آخري بيٽر مهيش ٿيڪشنا انجري سبب بيٽنگ ڪرڻ جي پوزيشن ۾ نه هو.
ميچ کانپوءِ ان حوالي سان هرشا ڀوگلي ٽوئيٽ ڪئي ته ڇا ائين نه پئي ٿي سگهيو زمان خان بالر جي اينڊ تي منڪڊ بابت الرٽ رهي ها، پٿيرانا ڪريز کان ٻاهر هو.
Shouldn’t Zaman Khan have been alert to the possibility of a run-out ar the bowler’s end? Pathirana was outside the crease.
— Harsha Bhogle (@bhogleharsha) September 14, 2023
ان ٽوئيٽ جي جواب ۾ سريلنڪن صارف نبراز رمضان لکيو ته هونئن ته منڪڊ قانون پٽاندڙ آهي پر زمان نان اسٽرائيڪر اينڊ تي رانديگر کي منڪڊ نه ڪرڻ بهتر سمجهيو، هار کي عزت تي ترجيح ڏني، نوجوان بالر شاندار ڪم ڪيو.
Even though it is well within the law but Zaman Khan preferred NOT to Mankad the non-striker on the last ball. Defeat over disgrace. Brilliant from the rookie. #Sportsmanship
Your thoughts? Do you think Zaman should have ran non-striker out? pic.twitter.com/1cMRcH8Nvp
— Nibraz Ramzan (@nibraz88cricket) September 15, 2023
هڪ ٻئي واهپيدار چيو ته هڪ شيءَ هوندي آهي جنهن کي اسپورٽس مين اسپرٽ چيو ويندو آهي، جيڪا افغانستان ۽ ڀارتي رانديگرن جي اندر موجود نه آهي.
Shouldn’t Zaman Khan have been alert to the possibility of a run-out ar the bowler’s end? Pathirana was outside the crease.
— Harsha Bhogle (@bhogleharsha) September 14, 2023
هڪ ٻئي واهپيدار لکيو ته اسان منڪڊ تي هار کي ترجيح ڏني.
احتشام الحق تبصرو ڪندي چيو ته ميچ کي غيراخلاقي طريقي يعني منڪڊ آئوٽ ڪري کٽڻ کان سٺو آهي اوهان عزت سان ميچ هارائي وڃو.
You better lose the game with grace, rather than choosing cheap ways to win it. pic.twitter.com/tJNlTE3KGR
— Ihtisham Ul Haq (@iihtishamm) September 14, 2023
هڪ واهپيدار لکيو ت اسان اهڙي قسم جي چيٽنگ ڪري ميچ کٽڻ جي حق ۾ نه آهيون.
We don’t want to win the games with these kinds of cheatings
— yk (@ykspeaks1) September 14, 2023
وليد فلڪ لکيو ته پاڪستان هارائي ويو پر اسپورٽس مين شپ کي هڪ ڀيرو به نه وساريو، ڪرڪيٽ قانون کان ڪرڪيٽ اسپرٽ وڌيڪ اهم هوندي آهي.
Pakistan lost but didn’t forget sportsmanship even once. It’s always spirit of cricket over laws of the game for us 🇵🇰💚 #AsiaCup2023 #ICCRankings #ZamanKhan pic.twitter.com/aoOn5Z8Zwf
— waheed Falak sher (@HamdanWahe57839) September 15, 2023
ياد رهي ته پاڪستان ۽ سريلنڪا جي برسات سبب متاثر ميچ ۾ پاڪستان سريلنڪا کي کٽڻ لاءِ 42 اوورن ۾ 252 رنسن جو هدف ڏنو پر پاڪستاني بالر هدف جو دفاع ڪرڻ ۾ ناڪام رهيا ۽ سريلنڪا گهربل هدف 42 هين اوور جي آخري بال تي اٺ وڪيٽن جي نقصان تي پورو ڪري فائنل لاءِ ڪواليفاءِ ڪري ورتو.
