هرٻي جي ٻج جي ڏکڻ ايشيائي ملڪن ۽ بحيره روم جي کاڌن ۽ دوائن ۾ استعمال جي وڏي تاريخ آهي. ان ٻج جو الڳ ئي ذائقو ۽ مضبوط خوشبو آهي. هرٻي جو ٻج عام طور تي ٻوڙ، کٽاڻ ۽ ماني سميت مختلف کاڌن ۾ مصالحي ۽ ذائقي واري شيءِ طور به استعمال ڪيو ويندو آهي.
نه رڳو ايترو پر هرٻي جي ٻج جا وار ڇڻڻ لاءِ به بهترين فائدا آهن ۽ انهن کي صحت جي فائدن جو خزانو به چيو ويندو آهي. اسان انهن بابت ڪيترائي ڀيرا پنهنجي پڙهندڙن کي ٻڌائي چڪا آهيون پر اڄ اسان هرٻي جي ٻج جي جن فائدن جي ڳالهه ڪنداسين اهي انوکا ۽ پنهنجو مٽ پاڻ آهن.
هرٻي جي ٻج ۾ فائبر، پروٽين، آئرن ۽ وٽامن اي، سي سميت فائديمند مرڪبن جي ڊگهي فهرست شامل آهي. اهي اينٽي آڪسيڊنٽ سان به ڀرپور هوندا آهن ۽ روايتي طور تي هاضمي کي فروغ ڏيڻ، کير پيئاريندڙ مائرن ۾ کير وڌائڻ ۽ رت ۾ شگر جي سطح کي برقرار رکڻ جي لاءِ استعمال ڪيو ويندو آهي.
مختلف فائدن سميت هرٻي جي ٻج ۾ صحت لاءِ ڪيترائي فائدا آهن جن بابت بنا دير ذڪر ڪجي ٿو.
هرٻي جي ٻج جو استعمال ٿولهه ختم ڪندو آهي ۽ جسم جي توازن کي برقرار رکڻ ۾ مدد ڏيندو آهي.
هرٻي جو ٻج جسم ۾ ڪوليسٽرول تي ضابطو رکڻ جو ذريعو بڻبو آهي.
هرٻي جو ٻج شگر جي مرض لاءِ بهترين آهي، اهو جسم ۾ انسولين پيدا ڪندو آهي.
بند رڳن کي کولڻ ۽ دل جي صحت لاءِ به هرٻي جو ٻج تمام فائديمند آهي.
هرٻي جو ٻج ڳلي ۾ خارس، زخم ۽ بلغم ختم ڪري ٿو، هلڪي ڦلڪي سور مان جند ڇڏائي ٿو.
اهو هاضمي جي نظام جي بهتري ۽ بيڪار مادن کي نيڪال ڪندو آهي. کٽي اوڳراين ۽ بدهضمي کان بچائيندو آهي.
هرٻي جي ٻج جي استعمال سان اکين مان ڦڪاڻ يا ميرٽ ختم ٿي ويندي آهي.
هرٻي جو ٻج سستي، ڪاهلي ۽ بيقراري کي ختم ڪري جسم ۾ تيزي پيدا ڪندو آهي.
هرٻي جي ٻج جو تيل وارن جي صحت لاءِ تمام فائديمند آهي.
