ڪراچي (ويب ڊيسڪ) پاڪستان سپر ليگ جي 28هين ميچ ۾ ملتان سلطانز ڪراچي ڪنگز کي 11 رنسن تان شڪست ڏئي ڇڏي.
ڪراچي ۾ ملتان سلطانز پهريان بيٽنگ ڪندي 7 وڪيٽن جي نقصان تي 207 رنسون ٺاهيون، شان مسعود 46 ۽ جوش فلپس 44 رنسن سان اڳڀرا رهيا.
ڪراچي طرفان خوشدل شاهه 3، معين علي 2، حسن علي ۽ زمپا هڪ – هڪ وڪيٽ ورتي.
جواب ۾ ڪراچي ڪنگز 19.4 اوورن ۾ 196 رنسن تي آئوٽ ٿي وئي، ريزا هينڊرڪس 49 رنسن سان ٽاپ اسڪورر رهيو، عباس آفريدي 34، ڪپتان معين علي 27، حسن علي 23، سعد بيگ 21 رنسون ٺاهيون.
