اسلام آباد (ويب ڊيسڪ) ايراني وفد وزيراعظم شهباز شريف سان ملاقات ڪئي، جنهن ۾ وزيراعظم عزم ظاهر ڪيو ته پاڪستان خطي ۾ امن ۽ استحڪام لاءِ ٽياڪڙ طور پنهنجو مخلصاڻو ڪردار ادا ڪندو رهندو.
وزيراعظم آفيس جي ترجمان موجب ايراني وفد جي قيادت مشاورتي اسيمبلي جي اسپيڪر محمد باقر قاليباف ڪئي، جڏهن ته وفد جي مدد پرڏيهي وزير عباس عراقچي ڪئي.
پڌرائيءَ موجب ملاقات ۾ نائب وزيراعظم اسحاق ڊار، فيلڊ مارشل عاصم منير ۽ گهرو وزير محسن نقوي به موجود هئا.
ملاقات ۾ علائقائي ۽ عالمي امن جي صورتحال تي غور ڪيو ويو، وزيراعظم اسلام آباد ڳالهين ۾ ايراني وفد جي شرڪت کي ساراهيو.
وزيراعظم چيو ته پاڪستان خطي ۾ امن ۽ استحڪام لاءِ پنهنجو ڪردار جاري رکندو، هن سچي نيت سان پنهنجو ڪردار هڪ ٽياڪڙ طور جاري رکڻ جي عزم جو اظهار ڪيو.
وزيراعظم علائقائي، عالمي امن ۽ استحڪام جي مفاد ۾ بامقصد نتيجن لاءِ اڳڀرائي تيز ڪرڻ جي عزم جو به اظهار ڪيو.
