ڪراچي (ويب ڊيسڪ) اداڪارا فضا علي پنهنجي ٽين شادي جو اعلان ڪندي چيو آهي ته مان اعجاز خان سان سادگي سان نڪاح ڪري ورتو آهي.
اداڪارا عيد جي پهرئين ڏينهن سوشل ميڊيا تي تصويرون شيئر ڪيون، جنهن ۾ سندس مڙس ۽ ڌيءُ به نظر اچي رهي آهي.
فضا علي لکيو ته 41 ورهين جي عمر ۾ الله پاڪ مون کي اها محبت ۽ خوشي عطا ڪئي، جنهن جو ڊگهي عرصي کان انتظار ڪري رهي هيس ۽ هاڻ مون کي پنهنجو جيون ساٿي ملي ويو آهي.
هن لکيو ته اڄ کان مان رڳو فضا علي نه پر ”مسز اعجاز خان“ آهيان، گڏوگڏ هن مداحن کي نئين زندگي لاءِ دعائن جي درخواست به ڪئي.
واضح رهي ته فضا علي 2007 ۾ فواد فاروق سان شادي ڪئي هئي، جنهن مان کيس هڪ ڌيءُ جو اولاد آهي، شادي جي 3 سالن کانپوءِ ٻنهي ۾ طلاق ٿي وئي.
پوءِ فضا علي 2018 ۾ ڪاروباري شخصيت اياز ملڪ سان شادي ڪئي هئي پر اها شادي به گهڻو عرصو نه هلي
فضا علي هڪ انٽرويو ۾ چيو هو ته مان اهڙي شخص سان شادي ڪنديس، جيڪو ڌيءُ کي قبول ڪندو.
