اسلام آباد (ويب ڊيسڪ) حڪومت سحري ۽ افطاري وقت سڄي ملڪ ۾ بجلي ۽ گيس جي لوڊشيڊنگ نه ڪرڻ جو فيصلو ڪيو آهي.
اسلام آباد ۾ مملڪتي وزير علي پرويز ملڪ سان گڏ پريس ڪانفرنس ڪندي توانائي واري وزير اويس لغاري چيو ته سحري ۽ افطاري وقت سڄي ملڪ ۾ بجلي جي لوڊشيڊنگ نه ڪئي ويندي، جيڪڏهن ڪٿي لوڊشيڊنگ ٿئي ته شهري 118 تي شڪايت داخل ڪرائين.
هن چيو ته نقصان وارن فيڊرن تي به سحري ۽ افطاري وقت لوڊشيڊنگ نه ٿيندي.
علي پرويز ملڪ چيو ته صبح 3 وڳي کان رات ساڍي ڏهين وڳي تائين گيس فراهم ڪئي ويندي، گيس جي واڌو فراهمي جو انتظام ڪيو ويو آهي، گيس جي عدم فراهمي تي 1199 تي شڪايت داخل ڪرايو.
