ڪراچي (ويب ڊيسڪ) امڪان ظاهر ڪيو پيو وڃي ته آءِ سي سي مينز ٽي ٽوئنٽي ورلڊ ڪپ 2026 جو هاءِ وولٽيج مقابلو پاڪستان ڪرڪيٽ بورڊ جي چيئرمين محسن نقوي ۽ آءِ سي سي سربراهه جئه شاهه گڏجي ڏسندا.
ذريعن موجب، پي سي بي چيئرمين محسن نقوي ڀارت خلاف ميچ لاءِ سريلنڪا ويندو ۽ امڪان آهي ته هو آءِ سي سي چيئرمين جئه شاهه سان گڏجي پاڪستان ۽ ڀارت جو ميچ ڏسندا.
ذرايع جو چوڻ آهي ته آءِ سي سي عهديدار ۽ ڀارتي ڪرڪيٽ بورڊ جا آفيشلز پڻ پاڪ-ڀارت دنگل ڏسڻ لاءِ موجود هوندا، جڏهن ته پي سي بي ۽ ڀارتي بورڊ جا عملدار پڻ ڪولمبو ۾ هڪ ئي هنڌ موجود هوندا.
