عالمي ڪريڊٽ ريٽنگ ايجنسي موڊيز پاڪستان جي بينڪنگ سيڪٽر جو آئوٽ لڪ هاڪاري مان مستحڪم ڪري ڇڏيو.
موڊيز جي آئوٽ لڪ رپورٽ موجب پاڪستان جي معاشي حالتن ۾ بهتري اچي رهي آهي پر معاشي بحالي جي رفتار هاڻ به سست آهي، جڏهن ته ايندڙ 12 کان 18 مهينن دوران بينڪن جي ڪارڪردگي مستحڪم رهڻ جو امڪان آهي.
رپورٽ ۾ چيو ويو آهي ته پاڪستان ۾ وياج جي شرح ۽ ڪريڊٽ رسڪ جو دٻاءُ برقرار آهي، حڪومتي مالي مسئلا بينڪنگ سيڪٽر لاءِ وڏو چيلينج آهن.
ريٽنگ ايجنسي موجب توڙي جو مجموعي معاشي صورتحال ۾ بهتري جا آثار موجود آهن پر بينڪن کي پيش خطرا مڪمل طور ختم ناهن ٿيا.
موڊيز 2026 ۾ پاڪستان جي جي ڊي پي اوسر 3.5 سيڪڙو رهڻ جو اندازو لڳايو آهي پر رپورٽ ۾ واضح ڪيو ويو آهي ته ٻاهرين فنانسنگ ۽ مهانگائي بابت خدشا موجود آهن، جڏهن ته پاليسي تي عملدرآمد سان جڙيل خطرا به بينڪنگ سيڪٽر جي آئوٽ لڪ تي اثرانداز ٿي سگهن ٿا.
