ڪوٽڙي (ويب ڊيسڪ) صدارتي ايوارڊ يافتا شرنائي نواز استاد عبدالله 72 ورهين جي ڄمار ۾ لاڏاڻو ڪري ويو.
خانداني ذريعن موجب استاد عبدالله ڊگهي عرصي کان ڦڦڙن جي مرض ۾ مبتلا هو، سندس جنازي نماز اڄ ڪوٽڙي ۾ ادا ڪئي ويندي.
خانداني ذريعن جو چوڻ آهي ته مرحوم جي تدفين اباڻي قبرستان سيد ٻڍل شاهه ۾ ڪئي ويندي.
واضح رهي ته استاد عبدالله ننڍي کنڊ ۾ شرنائي جي فن سبب مشهور هو، پاڪستان، ڀار ۽ بنگلاديش ۾ سندس شرنائي کي غير معمولي موٽ ملي، هن ڪيترن ئي قومي ۽ عالمي ثقافتي ميلن ۾ فن جو مظاهرو ڪيو ۽ کيس صدارتي ايوارڊ سان به نوازيو ويو هو.
