اسلام آباد (ويب ڊيسڪ) ناڻي واري وزير محمد اورنگزيب چيو آهي ته آءِ ايم ايف سان اسٽاف ليول معاهدو ٿي چڪو آهي، اين ايف سي ايوارڊ جي حوالي سان ايندڙ هفتي اجلاس ٿيندو.
اسلام آباد ۾ پريس ڪانفرنس ڪندي محمد اورنگزيب چيو ته حڪومت سڌارن تي عمل ڪري رهي آهي ۽ اڳڀرائي جاري آهي.
هن چيو ته ڪلائميٽ فنانسنگ اهم آهي، مينوفيڪچرنگ جي شعبي ۾ بهتري سٺو سنئوڻ آهي، پائيدار ترقي لاءِ ادائيگي جو توازن ۽ ڪرنٽ اڪائونٽ اهم آهن، مجموعي طور تي برآمدن ۾ 5 سيڪڙو واڌ ٿي آهي.
سندس چوڻ هو ته معاشي بهتري جي تسلسل کي برقرار رکڻو آهي، آءِ ٽي شعبي ۾ ماهوار بنيادن تي بهتري ڏٺي پئي وڃي، ناڻي جي پهچ ۾ به واڌ ٿي رهي آهي، حڪومت نجي شعبي جي حوصلا افزائي ڪري رهي آهي.
