اسلام آباد (ويب ڊيسڪ) پاڪستان 27هين ترميم بابت گڏيل قومن جي انساني حقن بابت هاءِ ڪمشنر جوبيان رد ڪري ڇڏيو.
پرڏيهي کاتي جو چوڻ آهي ته پاڪستان جي پارليامينٽ پاران منظور ڪيل 27هين آئيني ترميم تي گڏيل قومن جي ڳڻتي سمجهه کان ٻاهر آهي.
پرڏيهي کاتي چيو ته آئيني ترميمون عوام جي چونڊيل نمائندن جو مڪمل اختيار آهي، جمهوري طريقي ڪار جو احترام هجڻ گهرجي، پاڪستان انساني حقن، انساني وقار، بنيادي آزادين، قانون جي حڪمراني جي تحفظ جي عزم تي قائم آهي.
پرڏيهي کاتي بيان ۾ افسوس جو اظهار ڪندي چيو ته پاڪستان جو موقف ۽ زميني حقيقتون گڏيل قومن جي بيان ۾ شامل نه ڪيون ويون، يو اين هاءِ ڪمشنر خود مختيار فيصلن جو احترام ڪري ۽ سياسي تعصب ۽ غلط ڄاڻ تي ٻڌل تبصرن کان پاسو ڪري.
واضح رهي ته گڏيل قومن جي انساني حقن بابت هاءِ ڪمشنر پنهنجي بيان ۾ چيو هو ته پاڪستان ۾ جلدبازي ۾ منظور ڪيل آئيني ترميم عدليا جي آزادي کي ڪمزور ڪري ٿي، جڏهن ته هن ملٽري احتساب بابت به خدشن جو اظهار ڪيو هو.
