صوابي (ويب ڊيسڪ) تحريڪ انصاف اڳواڻ اسد قيصر چيو آهي ته اسان کي ڀت سان نه لڳايو وڃي، اسان کي جيئڻ نه ڏيندئو ته توهان کي به جيئڻ نه ڏينداسين.
صوابي ۾ ڪارڪنن کي خطاب ڪندي اسد قيصر چيو ته پي ٽي آءِ باني سان ملاقات اسان جو آئيني ۽ قانوني حق آهي، اسان کي ڀت سان نه لڳايو وڃي، جيڪڏهن اسان کي جيئڻ نه ڏيندئو ته توهان کي به جيئڻ نه ڏينداسين.
هن چيو ته خيبر پختونخواهه سدائين دهشتگردي جو شڪار رهيو آهي، اسان افغان جنگ ۾ گهڻو نقصان کنيو ۽ هاڻ به کڻي رهيا آهيون پر افسوس ته وفاق ڪڏهن اسان جي قربانين کي تسليم نه ڪيو، وفاق سدائين اسان جي صوبي سان ماٽيلي ماءُ وارو ورتاءُ ڪيو.
سندس چوڻ هو ته جيڪڏهن افغانستان ۽ پاڪستان سمجهن ٿا ته هڪٻئي جي بنا گذارو نٿا ڪري سگهن ته اها ٻنهي ملڪن جي غلط فهمي آهي، اسان کي پنهنجا معاملا ڳالهين ذريعي حل ڪرڻ گهرجن.
