ڪراچي (ويب ڊيسڪ) سنڌ جي سينيئر وزير شرجيل ميمڻ چيو آهي ته پي ٽي آءِ باني تي جيل ۾ ڪو تشدد نه پيو ٿئي.
صحافين سان ڳالهائيندي شرجيل ميمڻ چيو ته عمران خان کي ڇا ٿيو آهي؟ هو ته جيل ۾ سٺو کاڌو کائي رهيو آهي ۽ سڀ سهولتون اٿس پر پي ٽي آءِ شروع ڏينهن کان ملڪ خلاف سازشون ڪري رهي آهي، پاڪستان دشمن ملڪن کان مدد طلب ڪئي پئي وڃي.
هن چيو ته عمران خان جيل ويو ۽ ملڪ خلاف سازشون شروع ٿي ويون، پي ٽي آءِ کي مشورو آهي ته عدالتن ۾ وڙهو، ملڪ ۽ ادارن کي تڪراري نه بڻايو.
سندس چوڻ هو ته آصف زرداري 12 سال بنا ڪنهن سزا جي جيل ڪاٽي ۽ سرخرو ٿي نڪتو، پ پ سدائين ملڪ کي متحد ڪيو، صدر زرداري پاڪستان کپي جو نعرو هڻي سڀني کي متحد ڪيو.
شرجيل ميمڻ چيو ته پ پ سدائين ادارن جي مضبوطي جي ڳالهه ڪئي آهي، اها واحد جماعت آهي، جنهن صوبن کي خودمختياري ڏني ۽ ڪڏهن ڪنهن سازش جو حصو ناهي رهي.
هن چيو ته ڪراچي کي منصوبي تحت الطاف نالي شخص حوالي ڪيو ويو، لنڊن واري باني ڪراچي کي هٿيار، ٻوري بند لاش ۽ ڀتي جي پرچين کانسواءِ ڪجهه نه ڏنو پر هاڻ ڪراچي ۾ ترقياتي ڪم ٿي رهيا آهن.
