ڪينبرا (ويب ڊيسڪ) آسٽريلوي وزيراعظم انٿوني البانيز پنهنجي پراڻي دوست جوڊي هيڊن سان 5 ورهين جي لاڳاپن کانپوءِ شادي ڪري ڇڏي.
پرڏيهي ميڊيا موجب انٿوني البانيز پهريون آسٽريلوي وزيراعظم آهي، جنهن وزيراعظم آفيس ۾ رهندي شادي ڪئي آهي، ٻنهي جي شادي جي تقريب ڪينبرا ۾ ٿي، جنهن کي ڳجهو رکيو ويو هو.
انٿوني البانيز ۽ جوڊي هيڊن جي ملاقات 21-2020 ۾ هڪ تقريب دوران ٿي هئي ۽ پوءِ هوريان هوريان ٻئي هڪٻئي جي ويجهو ٿيندا ويا، 2022 ۽ 2025 ۾ چونڊ مهم دوران جوڊي هيڊن عالمي دورن ۽ اهم ايونٽن دوران انٿوني سان گڏ نظر آئي.
انٿوني البانيز گذريل سال ويلنٽائن ڊي جي موقعي تي جوڊي هيڊن کي شادي جي آڇ ڪئي هئي، جيڪا هن قبولي ورتي هئي.
