چارسدا (ويب ڊيسڪ) عوامي نيشنل پارٽي جي سربراهه ايمل ولي خان چيو آهي ته پي ٽي آءِ جا ڪرسي جا پوڄاري اڳواڻ ڪارڪنن جي زندگين سان کيڏي رهيا آهن.
چارسدا ۾ پريس ڪانفرنس ڪندي ايمل ولي خان چيو ته پي ٽي آءِ جي احتجاج ۾ پنجاب جي ڪارڪنن جي عدم شرڪت سوال اٿاري ڇڏيا آهن، پي ٽي آءِ قيادت ڪارڪنن کي گرم ميدان ۾ ڇڏي ڀڄي وئي، پختون قوم کي اهو ٽولو پنهنجي ذاتي مفادن لاءِ استعمال ڪري رهيو آهي.
هن چيو ته خيبر پختونخواهه ۾ دهشتگردي ٿي رهي آهي ۽ وڏو وزير احتجاج تي آهي، هو رياست کي رياست سان وڙهائي رهيو آهي، پي ٽي آءِ قيادت نٿي چاهي ته عمران خان جيل مان نڪري.
