تهران (ويب ڊيسڪ) ايران جي سپريم ليڊر آيت الله خامنه اي چيو آهي ته غزا ۾ جارحيت ڪندڙ اسرائيلي اڳواڻن جا گرفتاري وارنٽ جاري ڪرڻ ڪافي ناهي پر کين موت جي سزا ڏني وڃي.
پرڏيهي ميڊيا موجب آيت الله خامنه اي ملڪ جي مختلف حصن مان ايندڙ وفدن سان ملاقات ۾ وچ اوڀر، خاص طور غزا جي صورتحال تي خيالن جي ڏي وٺ ڪئي.
هن عالمي فوجداري عدالت طرفان اسرائيلي وزيراعظم جا گرفتاري وارنٽ جاري ڪرڻ کي ناڪافي قرار ڏيندي مطالبو ڪيو ته نيتن ياهو ۽ سندس ساٿين کي موت جي سزا ڏيڻ گهرجي.
