تل ابيب (ويب ڊيسڪ) اسرائيلي وزيراعظم نيتن ياهو جي ذاتي رهائشگاهه تي ڊرون حملو ٿيو آهي.
اسرائيلي ميڊيا موجب ڊرون حملي ۾ اسرائيلي وزيراعظم نيتن ياهو جي قيساريا جي علائقي ۾ ذاتي رهائشگاهه کي نشانو بڻايو ويو، حملي وقت نيتن ياهو ۽ سندس فيملي گهر ۾ موجود نه هئي، حملو حزب الله طرفان ڪيو ويو.
اسرائيلي وزيراعظم جي آفيس طرفان جاري ڪيل مختصر بيان ۾ حملي جي تصديق ڪندي چيو ويو ته ڪو به جاني نقصان نه ٿيو.
اسرائيلي اختيارين دعويٰ ڪئي آهي ته تل ابيب ڏانهن لبنان مان فائر ڪيل ٻه ڊرون ڪيرايا ويا.
