ماسڪو (ويب ڊيسڪ) روس جي قبضي هيٺ علائقي ۾ بيڪري تي يوڪرين جي بمباري ۾ 28 ڄڻا مارجي ويا.
روسي ميڊيا موجب يوڪرين جي فج ليسيانسڪ شهر ۾ هڪ عمارت تي ميزائل سان حملو ڪيو.
رپورٽن موجب عمارت جي ملبي مان 10 ڄڻن کي بچايو ويو آهي، سمورن زخمين جو مختلف اسپتالن ۾ علاج جاري آهي.
روس جي پرڏيهي وزارت پنهنجي بيان ۾ چيو ته يوڪريني فورسز ڄاڻي واڻي بيڪري تي حملو ڪري شهرين کي نشانو بڻايو آهي، اها دهشتگرد ڪارروائي آهي، جنهن جا اسان وٽ ثبوت آهن.
