اسلام آباد(ويب ڊيسڪ) وفاقي حڪومت شهرين تي پيٽروليم ليوي جو وزن وڌائي ڇڏيو.
رپورٽ موجب حڪومت عالمي مالياتي اداري (آءِ ايم ايف) جي شرط پوري ڪندي پيٽرول ۽ هاءِ اسپيڊ ڊيزل تي في ليٽر ليوي ۾ 13 رپيا 91 پيسا وڌائي ڇڏيو.
رپورٽ موجب پيٽرول تي 117 رپين 41 پيسا في ليٽر ۽ هاءِ اسپيڊ ڊيزل تي 42 رپيا 60 پيسا في ليٽر ليوي مقرر ڪري ڇڏي.
ذريعن موجب واڌ کانپوءِ پيٽروليم ليوي 103 رپين 50 پيسن کان وڌائي 117 رپيا 41 پيسا في ليٽر مقرر ٿي وئي جڏهن ته هاءِ اسپيڊ ڊيزل تي ليوي 28 رپين 69 پيسن کان وڌائي 42 رپيا 60 پيسا في ليٽر ٿي وئي.
رپورٽ ۾ ٻڌايو ويو ته ذريعن جو چوڻ آهي ته حڪومت پيٽرول ۽ هاءِ اسپيڊ ڊيزل تي مجموعي طور في ليٽر 160 رپيا پيٽروليم ليوي واري شرط به پوري ڪري ڇڏي آهي.
