رياض (ويب ڊيسڪ) سعودي حڪومت حج لاءِ اجازت نامو حاصل ڪرڻ جي هدايتن تي ڀڃڪڙي تي سخت سزائن جو اعلان ڪري ڇڏيو.
سعودي گهرو وزارت موجب بنا اجازت حج ڪرڻ يا حج جي ڪوشش تي 20 هزار ريال تائين ڏنڊ لاڳو ڪيو ويندو، جڏهن ته غير قانوني حاجين کي پناهه يا مدد ڪندڙن تي هڪ لک ريال تائين ڏنڊ هوندو.
سعودي گهرو وزارت چيو آهي ته اها پابندي پهرين ذوالحج کان 14 ذوالحج تائين لاڳو رهندي.
ان کانسواءِ وزٽ ويزا وارن کي مڪي پاڪ يا مقدس جاين تي پهچائيندڙن تي به ڏنڊ لڳندو، جڏهن ته غير قانوني حج جي ڪوشش تي ملڪ بدر ۽ 10 سال سعودي عرب ۾ داخلا تي پابندي هوندي.
