رياض (ويب ڊيسڪ) سعودي عرب ايران جي سفارتي عملي کي ملڪ ڇڏڻ جو حڪم ڏئي ڇڏيو.
سعودي پرڏيهي وزارت موجب ايراني فوجي اتاشي ۽ اسسٽنٽ فوجي اتاشي سميت سفارتخاني جي ٻئي عملي کي 24 ڪلاڪن اندر ملڪ ڇڏڻ جي هدايت جاري ڪئي وئي آهي.
سعودي حڪومت انهن اڻ وڻندڙ شخصيت قرار ڏنو آهي.
بيان ۾ چيو ويو آهي ته اهو فيصلو ملڪي سلامتي ۽ خود مختياري جي تحفظ لاءِ ڪيو ويو آهي ۽ هر ممڪن قدم کڻڻ جو حق محفوظ رکون ٿا.
سعودي اختيارين ايران تي سخت الزامن هڻندي چيو ته ايراني قدم خطي جي امن لاءِ سنگين خطرو آهن ۽ ان جا نتيجا به سنگين هوندا.
