نئين دهلي/اسلام آباد(ويب ڊيسڪ) پاڪستان ۽ انٽرنيشنل ڪرڪيٽ ڪائونسل (آءِ سي سي) وچ ۾ معاملا طئي ٿيڻ کانپوءِ ڀارت ۾ ٻڙڌڪ مچي ويو آهي.
ڀارتي ميڊيا جي هڪ رپورٽ ۾ چيو ويو آهي ته پاڪستان کانسواءِ عالمي ڪرڪيٽ جو تصور اڻپورو آهي، اسان کي نه چاهڻ باوجود به انهن(پاڪستاني رانديگرن) سان هٿ ملائڻو پوندو ۽ ڀاڪر پائڻو پوندو.
ڀارتي ميڊيا جو موقف آهي ته پاڪستان جي سفارتي ۽ اسٽريٽجڪ پاليسي ذريعي بنگلاديش کي به ڪاميابي ملي.
ڀارتي ميڊيا جو چوڻ آهي ته پاڪستان ڪمزور هوندي پنهنجا مطالبا مڃائي ورتا،جيڪا ڀارت جي بي عزتي آهي.
ان کانسواءِ رپورٽ ۾پاڪستاني فاسٽ بالر حارث رئوف طرفان ايشيا ڪپ 2025 ۾ پاڪ-ڀارت ميچ دوران تماشائين طرفان چيڙائڻ تي ڪيل ” 6.0 “ وارن اشارن جو حوالو به ڏنو آهي.
واضح رهي ته حڪومت پاڪستان قومي ٽيم کي 15 فيبروري تي ڀارت خلاف ميچ کيڏڻ جي اجازت ڏئي ڇڏي آهي۔
