ڪينبرا (ويب ڊيسڪ) آسٽريليا آءِ سي سي ٽي ٽوئنٽي ورلڊ ڪپ لاءِ شروعاتي اسڪواڊ جو اعلان ڪري ڇڏيو، جنهن ۾ پيٽ ڪمنز، ڪيمرون گرين ۽ ڪوپر ڪنولي جي واپسي ٿي آهي.
چيف سليڪٽر جارج بيلي چيو ته اهي ٽئي رانديگر تازو ڀارت خلاف سيريز لاءِ اسڪواڊ ۾ شامل نه هئا.
هن چيو ته پيٽ ڪمنز، جوش هيزل ووڊ ۽ ٽم ڊيوڊ ريڪوري ڏانهن وڌي رهيا آهن ۽ اميد ته ورلڊ ڪپ لاءِ ٽئي دستياب هوندا.
سندس چوڻ هو ته اسان شروعاتي اسڪواڊ جو اعلان ڪيو آهي، پيريڊ دوران ضرورت پوڻ تي تبديلي ڪنداسين، جڏهن ته پاڪستان خلاف 3 ٽي ٽوئنٽي ميچن لاءِ اسڪواڊ جو اعلان پوءِ ڪيو ويندو.
آسٽريلوي اسڪواڊ ۾ ڪپتان مچل مارش، زاويئر بارٽليٽ، ڪوپر ڪنولي، نيٿن ايلس، پيٽ ڪمنز، ٽم ڊيوڊ، ڪيمرون گرين، جوش هيزل ووڊ، ٽريوس هيڊ، جوش انگلس، ميٿيو ڪوهنيمن، گلين ميڪسويل، ميٿيو شارٽ، مارڪس اسٽوئنس ۽ ايڊم زمپا شامل آهن.
