اسلام آباد (ويب ڊيسڪ) وفاقي حڪومت عوام کي نئين سال جو تحفو ڏيڻ لاءِ تيار آهي ۽ تيل اگهن ۾ وڏي لاٿ جو امڪان آهي.
مهانگائي جي ماريل عوام کي نئين سال جي موقعي تي خوشخبري ملندي، ڇو ته وفاقي حڪومت طرفان پيٽروليم شين جي اگهن ۾ لاٿ جي حوالي سان ورڪنگ تيار ڪئي وئي آهي.
ذريعن جو چوڻ آهي ته پيٽرول 10 رپيا 60 پيسا ۽ ڊيزل 8 رپيا 59 پيسا في ليٽر سستو ٿيڻ جو امڪان آهي.
اهڙي ريت گاسليٽ 9 رپيا في ليٽر ۽ لائيٽ ڊيزل 6 رپيا 62 پيسا في ليٽر سستو ٿيڻ جو امڪان آهي.
اوگرا 31 ڊسمبر تي ورڪنگ پيٽروليم ڊويزن کي موڪليندي، وزيراعظم جي منظوري کانپوءِ نون اگهن جو اعلان ڪيو ويندو.
