ڀان سيد آباد (ويب ڊيسڪ) وڏي وزير مراد علي شاهه چيو آهي ته سنڌ جي ورهاڱي جو سوال ئي پيدا نٿو ٿئي، ايم ڪيو ايم جي نئين صوبي واري شوشي کي سنجيده وٺڻ جي ضرورت ناهي.
اهڙن خيالن جو اظهار هن ڀان سيد آباد پريس ڪلب جي دوري دوران صحافين سان ڳالهائيندي ڪيو.
مراد علي شاهه چيو ته ايم ڪيو ايم طرفان نئين صوبي جي مطالبي تي پريشان ٿيڻ ۽ ان ڳالهه کي سنجيده وٺڻ جي ضرورت ناهي، نئين صوبي جو سوال ئي پيدا نٿو ٿئي.
28هين ترميم بابت سوال تي وڏي وزير چيو ته جيڪڏهن اها ايندي ته ڏٺو ويندو، جيڪا شئي سامهون آئي ئي ناهي ته ان تي ڪهڙو ردعمل ڏيون، 28هين ترميم سنڌ ۽ وفاق جي مفاد ۾ نه هوندي ته حمايت نه ڪنداسين.
مراد علي شاهه ڀان سيدآباد پريس ڪلب جي نئين ٺهندڙ عمارت جو معائنو ڪيو ۽ چيو ته صحافين جا مسئلا ترجيحي بنيادن تي حل ڪيا ويندا.
