واشنگٽن (ويب ڊيسڪ) عالمي مالياتي اداري (آءِ ايم ايف) پنهنجي سالياني رپورٽ ۾ ڀارت کي ٻئي گهٽ ترين درجي تي رکندي سي گريڊ ڏئي ڇڏيو.
آءِ ايم ايف طرفان جاري ڪيل رپورٽ ۾ 12-2011 واري ڀارتي معاشي ڊيٽا کي انتهائي پراڻو ۽ ناقص قرار ڏنو ويو آهي.
رپورٽ موجب، سي گريڊ ان ڳالهه جي نشاندهي ڪري ٿو ته ڀارت وٽ دستياب معاشي ڊيٽا ۾ خاميون موجود آهن.
آءِ ايم ايف رپورٽ ۾ ڄاڻايو ويو آهي ته ڀارتي معيشت جي ڊيٽا ۾ خاميون معاشي نگراني واري عمل ۾ رنڊڪ بڻجن ٿيون، جڏهن ته ڀارتي حڪومت جو آمدني جي بنياد تي جي ڊي پي جو طريقيڪار ماهرن طرفان ڪيئي ڀيرا تنقيد جو نشانو بڻيو آهي.
عالمي مالياتي اداري موجب، ڊيٽا جون ڪمزوريون برقرار رهڻ سبب ڀارت جي قومي کاتن کي مسلسل ٻئي سال سي گريڊ ڏنو ويو آهي.
