اسلام آباد (ويب ڊيسڪ) اسلام آباد ۾ گڏهن جو گوشت ملڻ جي واقعي بابت ڊائريڪٽر اسلام آباد فوڊ اٿارٽي عرفان ميمڻ چيو آهي ته ان حوالي سان هڪ هفتو اڳ کان ڄاڻ موجود هئي.
عرفان ميمڻ چيو ته ٽيمن طرفان هڪ هفتي تائين ان تي ڪم ڪيو ويو ته جيئن جوابدار پڪڙي سگهون، ٽيم اتي پهتي ته هڪ هزار ڪلو ڪٽيل گوشت ۽ 40 جيئرا گڏهه مليا، موقعي تي موجوده پرڏيهي ڪاسائي ۽ چوڪيدار کي گرفتار ڪيو ويو.
هن چيو ته ڪيترا گڏهه ڪُٺا ويا ۽ گوشت ڪٿي ڪٿي پهتو، ان حوالي سان جاچ جاري آهي، جڏهن ته گوشت جي اسلام آباد کان ٻاهر سپلاءِ جي حوالي سان به رپورٽون موجود آهن.
