خيبر پختونخواهه ۾ دل جي مرضن ۾ خطرناڪ حد تائين واڌ

پشاور (ويب ڊيسڪ) خيبر پختونخواهه ۾ دل جي مرضن ۾ خطرناڪ حد تائين واڌ ٿيڻ لڳي.
پشاور انسٽيٽيوٽ آف ڪارڊيالاجي ۾ دل جي مريضن ۽ سرجرين جو انگ هڪ سال دوران 50 سيڪڙو تائين وڌي ويو.
هڪ رپورٽ موجب 2023 ۾ ٿيندڙ 1326 سرجريون 2024 ۾ وڌي 1900 کان وڌي ويون.
اهڙي ريت انجيو گرافي ۽ انجيو پلاسٽي جا 2023 ۾ سامهون ايندڙ 11 هزار ڪيس 2024 ۾ وڌي 15 هزارن تائين پهچي ويا، جڏهن ته دل جي مرضن ۾ ورتل ٻارن جي انگ ۾ به وڏي واڌ وٺي وئي.