واشنگٽن (ويب ڊيسڪ) آمريڪي فضائيا جو جديد ترين ويڙهاڪ جهاز ايف 35 ڪري تباهه ٿي ويو.
پرڏيهي ميڊيا موجب آمريڪي فضائيا جو ايف 35 ويڙهاڪ جهاز الاسڪا ۾ آمريڪي ايئر فورس بيس تي ڪري تباهه ٿيو، جڏهن ته هڪ سيٽ واري جهاز جو پائلٽ حادثي کان اڳ بچڻ ۾ ڪامياب ٿي ويو.
آمريڪي ويڙهاڪ جهاز جي تباهه ٿيڻ جي وڊيو منظر تي آئي آهي، جنهن ۾ جهاز کي قلابازيون کائيندي هيٺ ايندي ۽ زمين سان ٽڪرائجي تباهه ٿيندي ڏسي سگهجي ٿو.
آمريڪي فضائيا جي اختيارين حادثي کي وڏي تباهي قرار ڏيندي چيو آهي ته اسان جي ترجيح هميشه اسان جا جوان آهن ۽ اسان پنهنجي اهلڪارن جي سيڪيورٽي کي هر صورت ۾ يقيني بڻائينداسين.
اختيارين موجب آمريڪي فضائيا هر صورت ۾ حادثي جي جاچ کي يقيني بڻائيندي، جيئن ايندڙ وقت ۾ اهڙا حادثا گهٽ کان گهٽ پيش اچن.
