لاهور (ويب ڊيسڪ) وزيراعليٰ پنجاب مريم نواز سياسي سرگرمين سان گڏ پنهنجي ڊريسنگ سبب به خبرن جو مرڪز بڻيل آهن.
اڳوڻي وزيراعظم نواز شريف جي پوٽي ۽ حسين نواز جي پٽ زيد حسين نواز جي شادي جي ٻين تقريبن جيان وليمي تي پڻ مريم نواز جو لباس ڌيان جو مرڪز بڻجي ويو.
مريم نواز جون زيد حسين جي وليمي تي نڪتل تصويرون وائرل ٿي ويون، جنهن ۾ سندس لباس جا چرچا ٿي رهيا آهن.
مريم نواز وليمي ۾ پاڪستان جي مشهور فيشن برانڊ جو تيار ڪيل خوبصورت لباس پاتو.
برانڊ طرفان فراهم ڪيل تفصيلن موجب مريم نواز جو لباس هڪ customized version آهي، جنهن جي قيمت 12 لک 20 هزار رپيا آهي.
