ڪراچي (ويب ڊيسڪ) مشهور ڪمپني انڊس موٽرز پاڪستان ۾ 16 کان 31 ڊسمبر تائين پلانٽ بند ڪرڻ جو اعلان ڪري ڇڏيو.
انڊس موٽرز پاڪستان اسٽاڪ ايڪسچينج کي لکيل خط ۾ چيو ته ٽيڪنيڪي سامان جي کوٽ سبب پلانٽ نٿا هلائي سگهون، حالتن کي نظر ۾ رکندي انڊس موٽرز ڪمپني ڪارسازي جو پلانٽ 16 ڏينهن لاءِ بند ڪرڻ جو فيصلو ڪيو.
ڪمپني طرفان پڌرائي ۾ چيو ويو آهي ته ٽويوٽا گاڏيون ٺاهيندڙ انڊس موٽرز جو پلانٽ 16 کان 31 ڊسمبر تائين بند رهندو.
