ڪراچي (ويب ڊيسڪ) سنڌ حڪومت نوجوانن لاءِ اي ٽيڪسي پروگرام شروع ڪرڻ جو اعلان ڪري ڇڏيو.
ڪراچي ۾ صحافين سان ڳالهائيندي شرجيل ميمڻ چيو ته عوام 24 نومبر جي احتجاج جو سڏ رد ڪري ڇڏيو، سنڌ مان ڪو رضاڪاراڻي طور ان احتجاج لاءِ نه نڪتو.
هن چيو ته جيل ۾ ويٺل شخص عوام جون زندگيون برباد ڪري رهيو آهي، ان جي ايجنڊا ون پوائنٽ آهي ته کيس جيل مان ڪڍيو وڃي، ڪي پي حڪومت سرڪاري وسيلا احتجاج لاءِ استعمال ڪري رهي آهي.
شرجيل ميمڻ سنڌ جي نوجوانن لاءِ اي ٽيڪسي سروس شروع ڪرڻ جو اعلان ڪندي چيو ته ان روزگار لاءِ ڪجهه پيسا بينڪ ۽ ڪجهه سنڌ حڪومت ڏيندي، نوجوان ڪجهه پيسا ڏئي ٽيڪسي جا مالڪ بڻجي ويندا.
