ڍاڪا (ويب ڊيسڪ) بنگلاديش جي اڳوڻي وزيراعظم شيخ حسينا واجد ۽ سندس دور جي اهم حڪومتي عهديدارن تي شهري جي قتل جي الزام تي ڪيس داخل ڪيو ويو آهي.
بنگلاديشي ميڊيا موجب شيخ حسينا واجد ۽ ٻين 6 ڄڻن کي 19 جولاءِ تي ڍاڪا ۾ ٿيندڙ احتجاجي مظاهرن دوران پوليس جي فائرنگ سان شهري مارجڻ جي ڪيس ۾ نامزد ڪيو ويو آهي.
رپورٽن موجب شيخ حسينا واجد ۽ ٻين خلاف ڪيس ڍاڪا جي رهواسي ۽ مقتول جي ويجهي شخص امير حمزا داخل ڪرايو آهي.
بنگلاديشي ميڊيا جو چوڻ آهي ته ڪيس ۾ حسينا واجد کانسواءِ عوامي ليگ جي جنرل سيڪريٽري، اڳوڻي گهرو وزير، اڳوڻي پوليس سربراهه، جاچ اداري جي اڳوڻي سربراهه سميت اڻڄاتل پوليس اهلڪارن کي نامزد ڪيو ويو آهي.
